ഒരു മനുഷ്യായുസ്സിന്റെ വിവിധ ഘട്ടങ്ങളിലെ വ്യത്യസ്ത അനുഭവങ്ങളും, വീക്ഷണങ്ങളും വളരെ തന്മയത്തത്തോടെ വായനക്കാരുടെ മനസ്സുകളിലേക്ക് ഇറങ്ങി ചെല്ലാൻ ഉതകുന്ന തരത്തിലാണ് ഈ ചെറുകഥാ സമാഹാരത്തിലെ മിക്ക സൃഷ്ടികളും രൂപപ്പെടുത്തിയിരിക്കുന്നത്. ഗ്രാമാന്തരീക്ഷത്തിൽ നിളയുടെ സാന്നിദ്ധ്യം തെളിയിച്ചുള്ള ബാല്യകാല സ്മരണകളോടൊപ്പം, കഠിനമായി നേരിടേണ്ടി വന്ന ദൈനംദിന ജീവിത പ്രതിസന്ധികളെ കോർത്തിണക്കി ഒരു അരുവിയുടെ ഒഴുക്കു പോലെ കഥാകാരൻ ചിത്രീകരിച്ചിരിക്കുന്നു.