AVANTE SMARANAKAL

ജീവിതത്തിൻ്റെ പുറമ്പോക്കിലേക്ക് വലിച്ചെറിയപ്പെട്ട ഒരു മനുഷ്യജന്മം. പട്ടിയോടൊപ്പം എച്ചിലിലകളിലെ ഉച്ഛിഷ്ടങ്ങൾ കൊണ്ട് വിശപ്പടക്കാനായിരുന്നു അവന്റെ വിധി. അനാഥനെങ്കിലും, സമനിലതെറ്റിയ സ്ത്രീ അമ്മയാണെന്നും, ഹോട്ടൽ ജോലിക്കാരൻ തന്റെ അച്ഛനാണെന്നും അവൻ സങ്കൽപ്പിച്ചു. മുലപ്പാലിൻറെ സ്വാദറിയാൻ ആഗ്രഹിച്ച ആ തെരുവിന്റെ സന്തതിയുടെ മനോവ്യാപാരങ്ങൾ ധ്വന്യാത്മകമായി ചിത്രീകരിച്ച തകഴി വരികൾക്കിടയിലൂടെ വായിക്കാൻ വായനക്കാരെ പ്രേരിപ്പിക്കുന്നുണ്ട്. ഇടുങ്ങിയതും, ഇരുണ്ടതുമായ വഴികളിലൂടെ സഞ്ചരിച്ച്, തുടങ്ങിയ സ്ഥലത്തുനിന്ന് ഏറെ വ്യത്യസ്തമായ മറ്റൊരു ജീവിതമേഖലയിൽ എത്തിച്ചേർന്ന ആ അനാഥജന്മത്തിന്റെ കഥ അനാവരണം ചെയ്യുകയാണ് തകഴിയുടെ കരുത്തുറ്റ തൂലിക ‘അവന്റെ സ്മ‌രണ’കളിലൂടെ